მაკა ბოჭორიშვილი: ბატონი ჯო უილსონი საქართველოს რეპუტაციას მიზანმიმართულად აზიანებს
ბატონი ჯო უილსონი მიზანმიმართულად აზიანებს საქართველოს რეპუტაციას, - განაცხადა გადაცემაში „იმედი Live” საქართველოს საგარეო საქმეთა მინისტრმა მაკა ბოჭორიშვილმა.
მისი თქმით, უილსონის ქმედებები საქართველო-აშშ-ის ურთიერთობის გადატვირთვის პროცესს ხელს უშლის.
„ჩვენ გვინდა გვწამდეს, რომ ის ადამიანები, რომლებიც გვესაუბრებიან აშშ-სა და საქართველოს ურთიერთობების გადატვირთვაზე, არიან გულწრფელები და ნამდვილად გულისხმობენ იმას, რასაც ამბობენ შეხვედრებისას, რომ სურთ, საქართველოსა და ამერიკას შორის ურთიერთობები იყოს ჯანსაღი, იყოს ურთიერთპატივისცემაზე დაფუძნებული და ორივე ქვეყნისთვის სასარგებლო. ამას ხელს უშლის ის განცხადებები თუ ნაბიჯები, რასაც ბატონი ჯო უილსონი აკეთებს - მიზანმიმართულად აზიანებს საქართველოს რეპუტაციას. სამწუხაროა, რომ ის არის ერთადერთი აქტიური ხმა აშშ-დან, რომელიც ისმის საქართველოსთან დაკავშირებით და ამ პროცესს ნამდვილად არ ეხმარება”, - განაცხადა ბოჭორიშვილმა.
იმედი
წყარო: imedinews.ge