მახაშვილი პეტერ ფიშერზე: არ ვარ დარწმუნებული, რომ ბევრს მოენატრება, თუმცა კარგია, რომ საბოლოო ჯამში, პოლარიზაციის ეს თავი დაიხურება და ახალი ელჩის პირობებში, გვექნება შესაძლებლობა, რომ არსებითად გადავტვირთოთ ქართულ-გერმანული ურთიერთობები
იმედი|imedinews.ge
ამ ადამიანმა, სამწუხაროდ, მისი ელჩობის დასრულებით, კარგად ნამდვილად არ დაამახსოვრა საქართველოს მოსახლეობას თავი, - განაცხადა ევროპასთან ინტეგრაციის საპარლამენტო კომიტეტის თავმჯდომარე ლევან მახაშვილმა პეტერ ფიშერზე საუბრისას.
„არ ვარ დარწმუნებული, რომ ბევრს მოენატრება, თუმცა კარგია, რომ საბოლოო ჯამში, პოლარიზაციის ეს თავი დაიხურება ამ ნაწილში და ახალი ელჩის პირობებში, გვექნება შესაძლებლობა, რომ არსებითად გადავტვირთოთ ქართულ-გერმანული ურთიერთობები. ასევე, საქართველო-ევროკავშირის ურთიერთობებში მაქსიმალურად შევიტანოთ წვლილი“, - აღნიშნა მახაშვილმა.
გერმანიის ელჩმა საქართველოში მისია დაასრულა.
გაზიარება:
იმედი
წყარო: imedinews.ge