მაკრონის განცხადებით, ფრანგმა სამართალდამცველებმა სიცილიასთან ახლოს რუსეთის “ჩრდილოვანი ფლოტის“ ტანკერი დააკავეს
საფრანგეთის პრეზიდენტმა ემანუელ მაკრონმა სოციალურ ქსელ X-ში დაწერა, რომ ფრანგმა სამართალდამცველებმა კუნძულ სიცილიასთან ახლოს რუსეთის „ჩრდილოვანი ფლოტის“ ტანკერი დააკავეს, რომელსაც ნავთობი გადაჰქონდა.
„საფრანგეთის სამხედრო-საზღვაო ძალებმა სამშაბათს, საზღვაო სამართლის დარღვევის გამო, სიცილიის სანაპიროსთან ტანკერი Deliver-ი შეაჩერეს. ეს უკანასკნელი ქმედება რუსეთის ე.წ. „ჩრდილოვანი ფლოტის“ წინააღმდეგ, რომელიც დიდი ბრიტანეთის მიერ რამდენიმე დღის წინ განხორციელებულ მსგავს ოპერაციას მოჰყვა, ევროპული ქვეყნების მტკიცე პოზიციას ადასტურებს. ჩვენ არ დავუშვებთ, რომ „ჩრდილოვანმა ფლოტმა“ სანქციების გვერდის ავლით რუსეთის საომარი ძალისხმევა დააფინანსოს. ევროპა მტკიცედ არის განწყობილი. ჩვენ გავაგრძელებთ ყველა აუცილებელი ზომის მიღებას, რათა რუსეთისთვის ომის ფასი გაიზარდოს და უკრაინაში მყარი და ხანგრძლივი მშვიდობის დამყარებას ხელი შევუწყოთ“, – დაწერა მაკრონმა.
La Marine Nationale a arraisonné mardi le pétrolier Deliver alors qu’il transitait au large de la Sicile en infraction avec le droit de la mer. Cette nouvelle action contre la flotte fantôme, conduite quelques jours après une opération similaire par le Royaume-Uni… pic.twitter.com/5Gjn43MhLr — Emmanuel Macron (@EmmanuelMacron) June 25, 2026
