მარიამ ქვრივიშვილი: ღრმა მწუხარებას გამოვთქვამ თემურ უგულავას გარდაცვალების გამო. იგი იყო გამორჩეული, ნიჭიერი, თანამედროვე ხედვების მქონე ადამიანი, რომლის საქმიანობა მრავალი წლის განმავლობაში უკავშირდებოდა ქვეყნისთვის მნიშვნელოვან პროექტებს
ეკონომიკისა და მდგრადი განვითარების მინისტრი მარიამ ქვრივიშვილი ბიზნესმენ თემურ უგულავას გარდაცვალების გამო მწუხარებას გამოთქვამს და მის ოჯახს, ახლობლებს, მეგობრებსა და სრულიად საქართველოს უსამძიმრებს.
„ღრმა მწუხარებას გამოვთქვამ თემურ უგულავას გარდაცვალების გამო. იგი იყო გამორჩეული, ნიჭიერი, თანამედროვე ხედვების მქონე ადამიანი, რომლის საქმიანობა მრავალი წლის განმავლობაში უკავშირდებოდა ქვეყნისთვის მნიშვნელოვან პროექტებს. მან თავისი ინოვაციური იდეებით განსაკუთრებული წვლილი შეიტანა ტურიზმის სექტორის განვითარებაში, შექმნა და დანერგა უნიკალური პროდუქტები, რომლებმაც არსებითად გააძლიერა საქართველოს პოზიციონირება საერთაშორისო ტურისტულ რუკაზე.
გულწრფელად ვუსამძიმრებ მის ოჯახს, ახლობლებს, მეგობრებსა და სრულიად საქართველოს ამ დიდი დანაკლისის გამო“, - ნათქვამია სოციალურ ქსელში გამოქვეყნებულ სამძიმრის წერილში.
ბიზნესმენი თემურ უგულავა 56 წლის ასაკში გარდაიცვალა. გავრცელებული ინფორმაციის თანახმად, ბიზნესმენი ბოლო პერიოდში მძიმე სენს ებრძოდა და ამერიკის შეერთებულ შტატებში გარდაიცვალა.
იმედი
წყარო: imedinews.ge