მარკო რუბიო დანიასა და გრენლანდიასთან მიღწეულ შეთანხმებაზე: ეს ისტორიული შეთანხმება აშშ-ის უსაფრთხოების ინტერესებს არქტიკაში სამუდამოდ უზრუნველყოფს და ეს ამერიკელი გადასახადის გადამხდელებისთვის ყოველგვარი ხარჯის გარეშე მოხდება

აშშ-ის სახელმწიფო მდივანი მარკო რუბიო ამერიკის მიერ დანიასა და გრენლანდიასთან მიღწეულ შეთანხმებას სოციალურ ქსელ X-ში გამოეხმაურა და მას ისტორიული უწოდა.

როგორც რუბიომ აღნიშნა, შეთანხმება აშშ-ის უსაფრთხოების ინტერესებს არქტიკაში სამუდამოდ უზრუნველყოფს და ეს ამერიკელი გადასახადის გადამხდელებისთვის ყოველგვარი ხარჯის გარეშე მოხდება.

„ეს ისტორიული შეთანხმება უდიდესი გამარჯვებაა შეერთებული შტატებისა და ამერიკელი ხალხისთვის. პრეზიდენტ ტრამპის ხედვისა და ლიდერობის წყალობით, ეს ისტორიული შეთანხმება აშშ-ის უსაფრთხოების ინტერესებს არქტიკაში სამუდამოდ უზრუნველყოფს და ეს ამერიკელი გადასახადის გადამხდელებისთვის ყოველგვარი ხარჯის გარეშე მოხდება.

გრენლანდია სამუდამოდ დარჩება ჩრდილოეთ ამერიკის სტრატეგიული თავდაცვის სივრცის ნაწილად და მის ტერიტორიასა და მიმდებარე ტერიტორიებზე ნებისმიერი მოწინააღმდეგის ყოფნას გამორიცხავს. ეს შეთანხმება გრენლანდიასთან დაკავშირებით ჩვენს ეროვნულ უსაფრთხოებასთან დაკავშირებულ ყველა საკითხს სამუდამოდ და სრულად აგვარებს“, - დაწერა რუბიომ.

მანამდე აშშ-ის პრეზიდენტმა დონალდ ტრამპმა განაცხადა, რომ ამერიკამ დანიასა და გრენლანდიასთან მიაღწია შეთანხმებას, რომლის მიხედვითაც ვაშინგტონი კუნძულის უსაფრთხოებას უზრუნველყოფს. ტრამპის მტკიცებით, აშშ-ს სამუდამოდ ექნება გარანტირებული გრენლანდიის უსაფრთხოებაზე ზრუნვა ისე, რომ არავითარი ხარჯის გაწევა არ მოუწევს.

This historic deal is a huge win for the United States and the American people. Thanks to President Trump’s vision and leadership, this historic agreement permanently guarantees U.S. security interests in the Arctic at zero cost to the U.S. taxpayer. Greenland will forever be… https://t.co/DPCiSEhoFS — Secretary Marco Rubio (@SecRubio) September 19, 2026