მარტვილში ფრინველთა არალეგალურ სასაკლაოს საწარმოო პროცესი შეუჩერდა
სურსათის ეროვნული სააგენტოს სამეგრელო-ზემო სვანეთის დეპარტამენტის ინსპექტორებმა არაგეგმურად შეამოწმეს ინდივიდუალური მეწარმე მ.თ., რომელსაც მარტვილის მუნიციპალიტეტის სოფელ ხუნწში ფრინველთა არალეგალური სასაკლაო ჰქონდა მოწყობილი. მეწარმე სურსათის ეროვნული სააგენტოს სავალდებულო აღიარების გარეშე და სურსათის უვნებლობის დადგენილი მოთხოვნების დარღვევით საქმიანობდა.
კანონმდებლობის შესაბამისად, ბიზნესოპერატორი დაჯარიმდა და საწარმოო პროცესი შეუჩერდა.
სურსათის ეროვნული სააგენტო მთელი ქვეყნის მასშტაბით განაგრძობს არალეგალური საწარმოებისა და სასაკლაოების გამოვლენას. სააგენტო ბიზნესოპერატორებს მოუწოდებს, კანონმდებლობის მოთხოვნების სრული დაცვით იმუშაონ და არ აწარმოონ სურსათი შესაბამისი აღიარებისა და რეგისტრაციის გარეშე.
ინფორმაციას სურსათის ეროვნული სააგენტო ავრცელებს.
იმედი
წყარო: imedinews.ge