მასუდ პეზეშკიანი: შეერთებულმა შტატებმა უნდა აჩვენოს, რომ ირანში ხელისუფლების ძალისმიერი გზით შეცვლას არ ცდილობს
შეერთებულმა შტატებმა უნდა აჩვენოს, რომ ირანში ხელისუფლების ძალისმიერი გზით შეცვლას არ ცდილობს, განაცხადა ირანის პრეზიდენტმა მასუდ პეზეშკიანმა CBS News-თან ინტერვიუში.
პაზეშკიანის თქმით, იმისათვის, რომ ამერიკულ მხარესთან მოლაპარაკებები განახლდეს, მხარეებს შორის, პირველ რიგში, ნდობა უნდა აღდგეს.
„პირველ რიგში, უნდა დავძლიოთ ამ ომის შედეგად შექმნილი უნდობლობა. ჩვენ უნდა დავიცვათ ის, რაზეც წერილობით შევთანხმდით. შეერთებულმა შტატებმა უნდა აჩვენოს, რომ ჩვენი მთავრობის ან ადმინისტრაციის დამხობას არ აპირებს. ჩააყენეთ თავი ჩვენს მდგომარეობაში. წარმოიდგინეთ, რომ ვიღაც მოვიდა და თქვენი უზენაესი ლიდერი მოკლა. შემდეგ კი იმაზე უარი თქვა, რომ შეესრულებინა ყველაფერი, რაზეც შეთანხმებული იყავით. როგორი იქნებოდა თქვენი რეაქცია? ეს ისეთი საკითხი არ არის, რომლის მოგვარებაც ასე მარტივად შეიძლება“, - განაცხადა პეზეშკიანმა.
იმედი
წყარო: imedinews.ge