მასუდ ფეზეშქიანი: ჩვენ ყველაფერი უნდა გავაკეთოთ იმისთვის, რომ მტერი ვაიძულოთ, იმ ვალდებულებების ერთგული დარჩეს, რომლებსაც ხელი მოაწერა

მოლაპარაკებების განახლების წინ ირანი აცხადებს, რომ ჰორმუზის სრუტის დახურვა მათივე საზღვაო ბლოკადის და შეერთებული შტატების მიერ ნაკისრი ვალდებულებების დარღვევის ბრალია. ხოლო ირანსა და ომანს შორის ახალი საზღვაო მარშრუტის შესახებ მიღწეული შეთანხმება არ ნიშნავს, რომ ჰორმუზის სრუტე გაიხსნება.

საგანგებო განცხადება სოციალური ქსელით ირანის პრეზიდენტმა მასუდ ფეზეშქიანმაც გაავრცელა და განაცხადა, რომ თეირანის მიზანია, აიძულოს ვაშინგტონი ურთიერთგაგების მემორანდუმის პირობები შეასრულოს.

„ხელმოწერილი მემორანდუმი შურას საბჭოს წევრების კოლექტიური სიბრძნის შედეგია და ყველა წევრი უჭერს მხარს. მჯერა, რომ მომავალში ეს მემორანდუმი ჩვენი საგარეო ურთიერთობების მთავარიო საყრდენი გახდება. ჩვენ ყველაფერი უნდა გავაკეთოთ იმისთვის, რომ მტერი ვაიძულოთ, იმ ვალდებულებების ერთგული დარჩეს, რომლებსაც ხელი მოაწერა. ეს მემორანდუმი გააძლიერებს როგორც ჩვენი ქვეყნის, ასევე რეგიონისა და ჩვენი მოკავშირეების უსაფრთხოებს“, - წერს პრეზიდენტი.