მეფე ჩარლზი: ამერიკის შეერთებული შტატების შეიარაღებული ძალებისა და მისი მოკავშირეების ერთგულება და გამოცდილება ნატოს საფუძველია

მეფე ჩარლზმა კონგრესში სიტყვით გამოსვლის ნაწილი ნატოს შექებასა და იმ როლის ხაზგასმას დაუთმო, რომელსაც თავდაცვის ალიანსი ასრულებს მოქალაქეებისა და საერთო ინტერესების დაცვაში.

ბრიტანეთის მონარქმა კონკრეტულად ახსენა 11 სექტემბრის ტერაქტი, როგორც პირველი შემთხვევა, როდესაც ნატომ აამოქმედა მე-5 მუხლი. აღნიშნული მუხლის თანახმად, თავდასხმა ალიანსის ნებისმიერ წევრზე განიხილება, როგორც თავდასხმა ყველა წევრზე.

ჩარლზის ეს კომენტარები მოჰყვა პრეზიდენტ დონალდ ტრამპის მხრიდან ნატოს არაერთგზის კრიტიკას ირანთან კონფლიქტში ჩაურთველობის გამო. ტრამპი ორგანიზაციიდან აშშ-ის გამოსვლითაც კი იმუქრებოდა.

„ამერიკის შეერთებული შტატების შეიარაღებული ძალებისა და მისი მოკავშირეების ერთგულება და გამოცდილება ნატოს საფუძველია. ჩვენ ერთმანეთის წინაშე დადებული გვაქვს თავდაცვის პირობა, რათა დავიცვათ ჩვენი მოქალაქეები და ინტერესები და უზრუნველვყოთ ჩრდილოეთ ამერიკელებისა და ევროპელების უსაფრთხოება საერთო მტრებისგან“, - განაცხადა ჩარლზმა.