მერცი არჩევნების შედეგებზე: მეკლენბურგი-წინა პომერანიის შედეგი ჩვენთვის კატასტროფა იყო. ახლა გვჭირდება ცვლილებები, ცვლილებებს კი სჭირდება ძალა

გერმანიაში არჩევნების შედეგები კატასტროფულად მძიმე გამოდგა კანცლერ ფრიდრიხ მერცისა და მისი პარტიისთვის. „ქრისტიან-დემოკრატიულმა კავშირმა“ მეკლენბურგ-წინა პომერანიაში 5%-იანი ბარიერის გადალახვა ვერ შეძლო. მერცმა უკვე აღიარა, რომ რეგიონული არჩევნები მისი პარტიისთვის „კატასტროფული“ იყო, თუმცა უარყო ვარაუდები იმის შესახებ, რომ შესაძლოა თანამდებობის დატოვოს.

„დღეს არჩევნები ორ მიწაზე ჩატარდა და განსხვავებული შედეგები დაიდო. მეკლენბურგი-წინა პომერანიის შედეგი ჩვენთვის კატასტროფა იყო. ახლა გვჭირდება ცვლილებები, ცვლილებებს კი სჭირდება ძალა. ის, რაც ახლა უნდა გაკეთდეს, მოითხოვს სიმტკიცეს, შეუპოვრობასა და მოთმინებას. მე გამოვავლენ ამ თვისებებს, როგორც ქრისტიან-დემოკრატიული კავშირის თავმჯდომარე და ქვეყნის კანცლერი“, - განაცხადა მერცმა.

გერმანიის ორ მიწაზე პარლამენტი აირჩიეს. საქსონია-ანჰალტის შემდეგ, ზედიზედ მეორე გამარჯვება. პარტიამ „ალერნატივა გერმანიისთვის“ საპარლამენტო არჩევნები კიდევ ერთ რეგიონში, მეკლენბურგ-წინა პომერანიის მიწებზე მოიგო. AfD-მ ხმათა 38,2 % მოიპოვა, თუმცა რეგიონული მთავრობის დაკომპლექტებას ვერ შეძლებს, რადგანაც 35.5%-ით მეორე ადგილზე გასულ მემარცხენე-ცენტრისტულ სოციალ-დემოკრატიულ პარტიას კოალიციის შესაქმნელად და მემარჯვენეების ხელისუფლებაში არდაშვებისთვის საკმარისი მხარდაჭერა ექნება.

განსხვავებულია შედეგები აჩვენეს პოლიტიკურმა ძალებმა ბერლინში, სადაც „მემარცხენე პარტია“ ხმათა 25,7%-ით ყველაზე დიდი პოლიტიკური ძალა გახდა, მეორე ადგილზე 18,8,%-ით ქრისტიან-დემოკრატიული კავშირია, 16,3%-ით მესამე ადგილს იკავებს „ალტერნატივა გერმანიისთვის,“ მეოთხე და მეხუთე პოზიციებს კი „მწვანეები“ და სოციალ-დემოკრატები ინაწილებენ, რაც იმას ნიშნავს, რომ ბერლინი „მემარცხენე ქალაქის“ სტატუსს შეინარჩუნებს.