მიხეილ დუნდუა: წელს, როგორც მსოფლიო ბანკის წინასწარი შეფასება მოწმობს, 2020 წელთან შედარებით ერთ მილიონ ადამიანზე მეტი იქნება მაღალი, საშუალო შემოსავლის კლასის კატეგორიაში, ეს მოსახლეობის 60% უნდა იყოს და ბუნებრივია ეს პროცესი ასახავს იმას, რომ ეკონომიკური ზრდა ინკლუზიურია

წელს, როგორც მსოფლიო ბანკის წინასწარი შეფასება მოწმობს, 2020 წელთან შედარებით ერთი მილიონი ადამიანზე მეტი იქნება მაღალი, საშუალო შემოსავლის კლასის კატეგორიაში, ეს მოსახლეობის 60% უნდა იყოს და ბუნებრივია ეს პროცესი ასახავს იმას, რომ ეკონომიკური ზრდა ინკლუზიურია, მოსახლეობის შემოსავლის დონის გაუმჯობესებას ხმარდება და შესაბამისად საშუალო ფენა ყალიბდება, - განაცხადა გადაცემაში „იმედის კვირა“ ფინანსთა მინისტრის მოადგილემ, მიხეილ დუნდუამ.

მისივე თქმით, მთავრობის მიზანია, რომ განულდეს სიღარიბის მაჩვენებელი.

„კონსერვატიული, წინდახედული, ფრთხილი გათვლებით, რომელსაც სავალუტო ფონდი გვთავაზობს, როდესაც პროგნოზს აქვეყნებს 2031 წლის ჩათვლით, სახელმწიფო შემოსავლები გაიზრდება ხუთ წელიწადში ერთნახევარჯერ, ეს დაახლოებით 15 მილიარდი ლარის ტოლია. მაგრამ თუ ჩვენ შევადარებთ და აღვნიშნავთ იმ ფაქტს, რომ როგორც წესი ჩვენ უფრო ძლიერ ზრდას ვაფიქსირებთ და უფრო მაღალ შემოსავლებს, ვიდრე პროგნოზირებულია, ეს დონე იქნება ერთნახევარჯერ მეტი რესურსის მატარებელი.

გულისხმობს იმას, რომ მეტი რესურსი, მეტი შესაძლებლობა ექნება სახელმწიფოს, ძლიერი საშუალება იმისთვის, რომ უფრო მეტად უზრუნველყოს და დაეხმაროს მოსახლეობის კეთილდღეობის დონის ამაღლებას“, - აღნიშნა მიხეილ დუნდუამ.