"ივანიშვილს ხელიდან გაექცა პროცესი" - თაზო დათუნაშვილი
ტვ პირველი|tvpirveli.ge
"ივანიშვილს ხელიდან გაექცა პროცესი" - ამის შესახებ "ლელო - ძლიერი საქართველოს" ერთ-ერთმა ლიდერმა, თაზო დათუნაშვილმა განაცხადა.
მისი თქმით, ირაკლი ღარიბაშვილი "ქოცური მიწისქვეშეთის ერთ-ერთი უბადლო მცოდნეა" და იცის საიდან უნდა დაარტყას.
ოპოზიციონერი პოლიტიკოსი აღნიშნავს, რომ ბიძინა ივანიშვილი "ქართული ოცნების" წევრებს შორის დაპირისპირებით "ყველაზე სუსტად ჩანს, ვიდრე ოდესმე".
არავითარი პოზიტივი არც ივანიშვილისთვის არ მოაქვს, რომელიც ყველაზე სუსტად ჩანს, ვიდრე აქამდე ოდესმე გამოჩენილი შეიძლებოდა ყოფილიყო. ივანიშვილს ხელიდან გაექცა პროცესი, მოდი ყველაფერს დავარქვათ თავისი სახელი, როდესაც მისი ერთი პრემიერ-მინისტრი მეორე პრემიერ-მინისტრს ტვირთს ჰკიდებს ვიღაცების სიცოცხლის ამბის, დავით გარეჯის გაყიდვის, სხვათა შორის ღარიბაშვილს უნდა დავუფასო, რომ ამ კონსპირაციებში არის უბადლო მცოდნე, ამ ბნელეთის, ქოცური მიწისქვეშეთის ერთ-ერთი უბადლო მცოდნეა და იცის საიდან უნდა დაარტყას. რაში აწყობს ივანიშვილს? არაფერში არ აწყობს, რომ ყოფილი და მოქმედი პრემიერ-მინისტრები ამ სისხლისღვრაში არიან ჩართულნი," - განაცხადა თაზო დათუნაშვილმა.
გაზიარება:
ტვ პირველი
წყარო: tvpirveli.ge