მიხეილ ყაველაშვილი „ტვ პირველსა და „ფორმულაზე: მათი მისია, აქ ყოფნის მოტივი არის ის, რომ არ მომცენ აზრის გამოთქმის საშუალება, გამომიყვანონ წყობიდან და იმ რესპონდენტის მიმართ, რომელიც არ მოსწონთ, საზოგადოებაში გააჩინონ ზიზღი, სიძულვილი

მათი მისია, აქ ყოფნის მოტივი არის ის, რომ არ მომცენ აზრის გამოთქმის საშუალება, გამომიყვანონ წყობიდან და იმ რესპონდენტის მიმართ, რომელიც არ მოსწონთ, საზოგადოებაში გააჩინონ ზიზღი, სიძულვილი, დისკრედიტაცია, - განაცხადა პრეზიდენტმა მიხეილ ყაველაშვილმა ტელეკომპანია „ტვ პირველსა" და „ფორმულაზე" საუბრისას.

მისი თქმით, ამ ტელეკომპანიების საქმიანობა დაფინანსებული და დავალებულია გარე ფაქტორებისგან.

„ჩვენდა სამწუხაროდ, ჩვენს სივრცეში არსებობს ორი ტელევიზია, „ტვ პირველი" და „ფორმულა", რომლებსაც ვერ დავარქმევ ღირსეულ ტელევიზიებს. მათი საქმიანობა, პრინციპში უნდა ემსახურებოდეს საზოგადოების განვითარებას, სრულყოფილად ინფორმირებას და სამართლიანი ახალი ამბების გავრცელებას. სამწუხაროდ, მათი საქმიანობა, რომელიც პირდაპირ გარე ფაქტორებისგან არის დავალებული, გადახდილ თანხას იყენებენ იმისთვის, რომ გაავრცელონ დეზინფორმაცია, არ მისცენ რესპონდენტებს იმის საშუალება, რომ გამოთქვან აზრი, ამახინჯებენ ამ ინფორმაციას და მათი მისია, მოტივი აქ ყოფნის არის ის, რომ არ მისცენ აზრის დამთავრების საშუალება, გამოიყვანონ წყობიდან და იმ რესპონდენტის მიმართ, რომელიც არ მოსწონთ, საზოგადოებაში გააჩინონ ზიზღი, სიძულვილი, დისკრედიტაცია", - აღნიშნა ყაველაშვილმა.