მიხეილ სარჯველაძე თურქმენეთის ჯანმრთელობისა და სამედიცინო მრეწველობის მინისტრს მირატბერდი გაიპოვს შეხვდა
ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრი თურქმენეთის ჯანმრთელობისა და სამედიცინო მრეწველობის მინისტრს შეხვდა.
მიხეილ სარჯველაძემ მირატბერდი გაიპოვს უწყების საქმიანობა და მიმდინარე პროგრამები გააცნო. მინისტრების შეხვედრისას, საუბარი შეეხო როგორც ჯანმრთელობის, ისე - სოციალური დაცვის მიმართულებებს.
მიხეილ სარჯველაძემ ორ ქვეყანას შორის თანამშრომლობის მნიშვნელობას გაუსვა ხაზი და აღნიშნა, რომ თურქმენეთის დელეგაციის საქართველოში ვიზიტი პარტნიორობის გაძლიერების დასტურია.
მიხეილ სარჯველაძეს შეხვედრისთვის მადლობა გადაუხადა და აქტიური თანამშრომლობის მზადყოფნა გამოთქვა მირატბერდი გაიპოვმაც.
შეხვედრაზე, მინისტრებმა, სხვადასხვა მიმართულებით, სამომავლო გეგმები და ურთიერთთანამშრომლობის პერსპექტივებიც განიხილეს.
თურქმენეთის დელეგაცია, პრეზიდენტ სერდარ ბერდიმუჰამედოვის ხელმძღვანელობით, საქართველოში მინისტრთა კაბინეტის წევრებთან ერთად იმყოფება და მაღალი დონის შეხვედრებს მართავს.
ინფორმაციას ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტრო ავრცელებს.