მიტროპოლიტი ანდრია გვაზავა: ისტორიული დღე გვაქვს და ეპოქალური მოვლენაა ეკლესიის და საზოგადოების ცხოვრებაში, ვირჩევთ სრულიად საქართველოს კათოლიკოს პატრიარქს

ისტორიული დღე გვაქვს და ეპოქალური მოვლენაა ეკლესიის და საზოგადოების ცხოვრებაში, ვირჩევთ სრულიად საქართველოს კათოლიკოს პატრიარქს, - განაცხადა გორის და ატენის მიტროპოლიტმა ანდრია გვაზავამ.

მისივე თქმით, არის სამი კანდიდატი და მოსალოდნელია, რომ სამიდან ერთ-ერთი გახდეს კათოლიკოს პატრიარქი. ამას გადაწყვეტს სხდომა.

„ეს არის საკუთარი ნების თავისუფალი გამოხატულება, ვინც სადღეისოდ რომელ კანდიდატს მიიჩნევს მისაღებად ეკლესიის მეთაურად, იმას მისცემს ხმას. სამივე კანდიდატი არის ეკლესიის და ქვეყნის ერთგული“, - აღნიშნა მიტროპოლიტმა ანდრია გვაზავამ.

სამების საკათედრო ტაძარში, გაფართოებულ საეკლესიო კრებაზე დღეს ახალ კათოლიკოსს გამოარჩევენ.