მოლდოვის ყოფილი პრემიერი:მიმაჩნია, რომ საქართველოს ხელისუფლება, რომელმაც არასრულწლოვანთა უფლებებისა და ტრადიციების დასაცავად პროცესი დაიწყო ყოჩაღია. პატივი და დიდება მათ

მიმაჩნია, რომ საქართველოს ხელისუფლება, რომელმაც არასრულწლოვანთა უფლებებისა და ტრადიციების დასაცავად პროცესი დაიწყო ყოჩაღია. პატივი და დიდება მათ, - განაცხადა "იმედის კვირასთან" ინტერვიუში მოლდოვის რესპუბლიკის პარლამენტის დეპუტატმა, ყოფილმა პრემიერ-მინისტრმა ვასილე ტარლევმა.

მისივე თქმით,ზნე-ჩვეულებები, რომელთა დანერგვასაც ლგბტ პროპაგანდით ცდილობენ, მოლდოველი ხალხისთვის უცხოა.

"რა თანასწორობა? მოლდოვის კანონი და კონსტიტუცია ყველა ადამიანის უფლებას იცავს. თუ ვინმეს თავისი გაუგებარი ზნე-ჩვეულებები აქვს, წავიდეს სახლში, ჩაიკეტოს კარი და აკეთოს, რაც უნდა. მაგრამ არ არის საჭირო ქუჩაში უშარვლოდ გამოსვლა და საჩვენებელი სანახაობის მოწყობა, თითქოს ეს ნორმაა.

ზნე-ჩვეულებები, რომელთა დანერგვასაც ლგბტ პროპაგანდით ცდილობენ, ჩვენი ხალხისთვის უცხოა და ამაზე საუბარიც კი სამარცხვინოა. ეს, რა თქმა უნდა, გარედან თავსმოხვეული, მომზადებული პროვოკაციაა. თუ წინა წლებში გარედან შემოჰყავდათ ხალხი მსვლელობისთვის, წელს უფრო შორს წავიდნენ და სამარცხვინო, სიმბოლური ქორწინება მოაწყვეს, რასაც ჩვენ არასდროს შევეგუებით.

ჩვენ ისე ვართ აღზრდილები, რომ მხარს ვუჭერთ ტრადიციულ ოჯახს: დედა, მამა და შვილები - სხვაგვარად არა. ევრობიუროკრატებს მისამართი შეეშალათ, მოლდოვაში ეს არ გაუვათ. სამწუხაროდ, ქვეყნის დღევანდელი ხელმძღვანელობა უხერხემლოა, გარედან უზარმაზარ ზეწოლას განიცდის და ამ მხრივ დიდი სისუსტე გამოიჩინა.

მიმაჩნია, რომ საქართველოს ხელისუფლება, რომელმაც არასრულწლოვანთა უფლებებისა და ტრადიციების დასაცავად ეს პროცესი დაიწყო - ყოჩაღია. პატივი და დიდება მათ. ჩვენ ვაპირებთ გავიაროთ კონსულტაციები საქართველოს ხელისუფლებასთან, გავიზიაროთ მათი გამოცდილება და მოლდოვაშიც აუცილებლად გამოვიყენოთ ასეთივე მიდგომა", - განაცხადა მოლდოვის ყოფილმა პრემიერ-მინისტრმა.