მსოფლიო ჩემპიონატზე ფეხბურთში პირველი დუბლი დაფიქსირდა

აშშ, კანადასა და მექსიკაში მიმდინარე მსოფლიო ჩემპიონატზე პირველი დუბლი დაფიქსირდა. ორი გატანილი გოლის ავტორი აშშ-ის ეროვნული ნაკრების ფეხბურთელი ფოლარინ ბალოგანი გახდა.

აშშ-ის ეროვნული ნაკრები D ჯგუფის პირველი ტურის ფარგლებში პარაგვაის გუნდს მასპინძლობდა. ანგარიში მე-7 წუთზე გაიხსნა. პარაგვაელმა დამიან ბობადილიამ გოლი საკუთარ კარში გაიტანა. 31-ე წუთზე ფოლარინ ბალოგანმა ანგარიში 2-0 გახადა. პირველი ტაიმის დამატებით დროში მან კიდევ ერთი გოლი შეაგდო და ანგარიში 3-0 გახდა.

მეორე ტაიმში პარაგვაელებმა ერთი ბურთი გაქვითეს. გატანილი გოლის ავტორი მაურისიო გახდა. თუმცა მატჩის 98-ე წუთზე ჯოვანი რეინამ პარაგვაელებს კიდევ ერთი გოლი გაუტანა და საბოლოო ანგარიში 4:1 დაფიქსირდა.

აშშ-ის ეროვნული ნაკრები 3 ქულით D ჯგუფის ლიდერი გახდა.