მთა თეთრობში ახალი სპორტული მოედნის მშენებლობა დასრულდა
იმედი|imedinews.ge
მთა თეთრობში ახალი სპორტული მოედნის მშენებლობა დასრულდა.
ხულოს მუნიციპალიტეტის მერიის ინფორმაციით, პროექტის ფარგლებში მოეწყო ბეტონის საფარი, დამონტაჟდა განათების ქსელი, დაიგო ხელოვნური საფარი, ასევე გაკეთდა ლითონის ბადეები და კალათბურთის ფარი.
„მიმდინარე წელს სამი ახალი სპორტული მოედანი აშენდება, ხოლო ოთხი განახლდება.
სპორტის განვითარება და ხელშეწყობა მუნიციპალიტეტის ერთ-ერთი მნიშვნელოვანი პრიორიტეტია. სპორტული ინფრასტრუქტურის განვითარება კი მუნიციპალიტეტის ახალგაზრდებისთვის შესაბამისი პირობების შექმნას ემსახურება“, - აცხადებენ მუნიციპალიტეტში.
დასრულებული ინფრასტრუქტურა ხულოს მუნიციპალიტეტის მერმა ვახტანგ ბერიძემ საკანონმდებლო ორგანოსა და ადგილობრივი თვითმმართველობის წარმომადგენლებთან ერთად დაათვალიერა.
გაზიარება:
იმედი
წყარო: imedinews.ge