ნანა კაკაბაძე: ზელენსკი მიეახლა საქართველოს პრემიერს. რატომ დაუკვეთავდნენ ამას თავიანთ მარიონეტს, თუ იქ ცვლილებები არაა დაწყებული ოპოზიციის მხარდაჭერასთან დაკავშირებით?!

ზელენსკის ნაბიჯებმა არ აჩვენა, რომ პატრონებმა ესენი [ოპოზიცია] უკვე მიატოვეს?!, - განაცხადა გადაცემაში „იმედი Live” უფლებადამცველმა ნანა კაკაბაძემ.

წამყვანმა ჰკითხა, საქართველოში ნულოვანი მხარდაჭერის ფონზე, როდემდე შეიძლება გაგრძელდეს ოპოზიციის დაფინანსება, თუ განცხადებები.

„ზელენსკის ნაბიჯებმა არ აჩვენა, რომ პატრონებმა ესენი [ოპოზიცია] უკვე მიატოვეს?! ზელენსკი მარიონეტია. მისი დამოუკიდებელი გადაწყვეტილება არ შეიძლება ყოფილიყო ის, რომ მივიდა და მიესალმა [საქართველოს] პრემიერს. ეს იყო ალბათ ერთის მხრივ ბრიტანეთიდან მიღებული დაკვეთა, ასევე დასავლეთთან აუცილებლად გავლილი და შეთანხმებული. ფული ზელენსკის აქვს დასავლეთიდან და უკრაინიდან გაქცევის შემთხვევაში ერთადერთი ქვეყანაა ბრიტანეთი, სადაც შეუძლია თავი შეაფაროს. ზელენსკი მიეახლა საქართველოს პრემიერს. რატომ დაუკვეთავდნენ ამას თავიანთ მარიონეტს, თუ იქ ცვლილებები არაა დაწყებული ოპოზიციის მხარდაჭერასთან დაკავშირებით?! სხვა რა დარჩენია დასავლეთს, რომ შეეგუოს ქართველი ხალხის არჩევანს და ისევ კონტაქტები გამონახონ ხალხის მიერ არჩეულ ხელისუფლებასთან“, - აღნიშნა კაკაბაძემ.