ნატოს სამიტის წინ, თურქეთში ათობით ადამიანი დააკავეს
იმედი|imedinews.ge
თურქმა სამართალდამცველებმა ნატოს სამიტის წინ ქვეყნის მასშტაბით ჩატარებული რეიდების დროს ათობით ადამიანი დააკავეს. გერმანული მედიის ინფორმაციით, დაკავებულთა შორის არიან ჟურნალისტები, მეცნიერები და მემარცხენე პოლიტიკური ჯგუფების წევრები. რეიდები ჩატარდა ანკარაში, სტამბოლსა და ქვეყნის სხვა დიდ ქალაქებში. თურქეთის ჟურნალისტთა ასოციაცია და პროგრესულ იურისტთა ასოციაცია დაკავებულების დაუყოვნებლივ გათავისუფლებას ითხოვენ.
სამიტის წინ, ანკარაში საჯარო შეკრებები აიკრძალა, თუმცა აკრძალვის მიუხედავად, კვირას დედაქალაქში ნატოს საწინააღმდეგო საპროტესტო აქცია გაიმართა.
ნატოს სამიტი ანკარაში 7-8 ივლისს ჩატარდება.
გაზიარება:
იმედი
წყარო: imedinews.ge