ნიკ პეტრო: მხარს ვუჭერ ნეიტრალიტეტს, არცერთ სამხედრო ალიანსში გაწევრიანებას არ ვემხრობი
მე მხარს ვუჭერ ნეიტრალიტეტს, არცერთ სამხედრო ალიანსში გაწევრიანებას არ ვემხრობი, - განაცხადა როდ-აილენდის უნივერსიტეტის პროფესორმა, ნიკ პეტრომ გადაცემაში „თბილისის დროით“.
მისივე თქმით, ნატოში გაწევრიანება სამხედრო ხარჯების უდიდეს ზრდას გულისხმობს.
„ნატო ერთი შეხედვით დამატებით უსაფრთხოების გარანტიებს გვთავაზობს, ხალხი ძირითადად მეხუთე მუხლზე ისე საუბრობს, თითქოს ეს გარანტიაა. ვინც ამას ამბობს, სჯობს უკეთ გაეცნოს და წაიკითხოს მეხუთე მუხლი. ეს არის კომისიის სხდომის მოწვევის პირობა, რომელმაც უნდა გადაწყვიტოს შემდეგი ნაბიჯები. კი ბატონო, ჩათვალონ ეს მუხლი გარანტიად, ვისაც ეს უნდა, ასე ესმოდეს.
ყველაფერთან ერთად ნატოში გაწევრიანება სამხედრო ხარჯების უდიდეს ზრდას გულისხმობს, ეს კი ისეთი სახელმწიფოებისთვის რომელთაც არ სურთ მთლიანი შიდა პროდუქტის მოცულობის დარი ვალი აიღონ, დიდი ფასის და მსხვერპლის მატარებელია, განსაკუთრებით კი სოციალური თვალსაზრისით. გახსოვდეთ ეს“,- აღნიშნა ნიკ პეტრომ.
იმედი
წყარო: imedinews.ge