ნიკოლოზ ჩხეტიანი „ციცინათელასთან“ მდებარე მიწის ნაკვეთთან დაკავშირებულ სპეკულაციებზე: გამოვისყიდეთ მიწის ნაკვეთი და შემდგომში ვაჩუქეთ სახელმწიფოს. ეს არის ქველმოქმედება. ნულების დათვლაც არ იციან - 2.7 ჰექტარი იყო ეს ნაკვეთი და არა 27 ჰექტარი, რაც გაჟღერდა, მაგრამ ზოგადად ეს ძალით ჰიპერტროფირება და გაბუქება სავიზიტო ბარათია კონკრეტული მედიის

გამოვისყიდეთ მიწის ნაკვეთი და შემდგომში ვაჩუქეთ სახელმწიფოს. ეს არის ქველმოქმედება. ნულების დათვლაც არ იციან - 2.7 ჰექტარი იყო ეს ნაკვეთი და არა 27 ჰექტარი, რაც გაჟღერდა, მაგრამ ზოგადად ეს ძალით ჰიპერტროფირება და გაბუქება სავიზიტო ბარათია კონკრეტული მედიის, - განაცხადა საქველმოქმედო ფონდ „ქართუს“ სამეთვალყურეო საბჭოს თავმჯდომარემ ნიკოლოზ ჩხეტიანმა სპეკულაციებზე, რომელიც „ციცინათელასთან“ მდებარე მიწის ნაკვეთის შესყიდვას უკავშირდება.

მისი თქმით, მიწის ფართობი სრულიად უსასყიდლოდ გადაეცა სახელმწიფოს.

„ჩვენ მოგვმართა სახელმწიფო ორგანიზაციამ „სთარინგ ჯორჯიამ“. მათ აქვთ ძალიან საინტერესო პროექტი, კონკრეტულად ე.წ. „დინოტოპიის“ ტიპის პარკის მოწყობის პროექტი. მოეწონათ მიწის ნაკვეთი, რომელიც ეკუთვნოდა ჩვენს სტრუქტურაში შემავალ ერთ-ერთ ორგანიზაციას. გადაწყდა ამ ნაკვეთის გადაცემა სახელმწიფოზე. გამოვისყიდეთ მიწის ნაკვეთი და შემდგომში ვაჩუქეთ სახელმწიფოს. ეს არის ქველმოქმედება, არის საჩუქარი, რაც ფონდმა გაუკეთა სახელმწიფოს. სხვათა შორის სიუჟეტებში იმდენად არაპროფესიონალურად და იმდენად აბსურდული იყო ყველაფერი, რომ გააათმაგეს ტერიტორია. ნულების დათვლაც არ იციან - 2.7 ჰექტარი იყო ეს ნაკვეთი და არა 27 ჰექტარი, რაც გაჟღერდა, მაგრამ ზოგადად ეს ძალით ჰიპერტროფირება და გაბუქება სავიზიტო ბარათია კონკრეტული მედიის. მიწის ნაკვეთის ღირებულება არის მილიონ სამასი ათასი ლარი, რაც ფონდმა გადაუხადა შპს „აკვა ცენტრს“, ვის საკუთრებაშიც იყო ეს მიწის ნაკვეთი, ხოლო შემდგომში ფონდმა აჩუქა ეს მიწა სახელმწიფოს“, - განაცხადა ნიკოლოზ ჩხეტიანმა.

ბიძინა ივანიშვილის მორიგი ქველმოქმედება ოპოზიციის მხრიდან კვლავ სპეკულაციებისა და დეზინფორმაციის საგანი გახდა. საქველმოქმედო ფონდ „ქართუს“ და სახელმწიფო ქონების ეროვნულ სააგენტოს შორის შეთანხმება შედგა, რომლის თანახმად, „ციცინათელას“ პარკთან მდებარე არასასოფლო-სამეურნეო დანიშნულების მიწის ნაკვეთი, შპს „აკვა ცენტრისგან“ შეიძინა ფონდმა „ქართუმ“ და იგი სახელმწიფოს უსასყიდლოდ გადასცა. ეს ტერიტორია არსებულ გასართობ სივრცეს შეუერთდება, შედეგად კი, შეიქმნება ერთიანი, მასშტაბური ტურისტული კომპლექსი. ამ ტერიტორიაზე „სთარინგ ჯორჯია“ საქართველოში ყველაზე დიდ დინოპარკს „დინოტოპიას“ გახსნის.