ნინო წილოსანი: უზომოდ ნეგატიურია, რომ თავად სინოდში არიან ადამიანები, ვისაც შეუძლიათ, ისეთი ნეგატიური განცხადებები აკეთონ, რომლებიც შემდგომში პარტიული ტელევიზიებისა თუ რადიკალების ხელში კიდევ დამატებითი იარაღია

საქართველოს პარლამენტის თავმჯდომარის მოადგილე ნინო წილოსანი გაფართოებული საეკლესიო კრების მოახლოების ფონზე საპატრიარქო ტახტის მოსაყდრის, მეუფე შიოს მისამართით გაკეთებულ მძიმე განცხადებებს აფასებს.

„უზომოდ ნეგატიურია, რომ თავად სინოდში არიან ადამიანები, ვისაც შეუძლიათ, ისეთი ნეგატიური განცხადებები აკეთონ, რომლებიც შემდგომში პარტიული ტელევიზიებისა თუ რადიკალების ხელში კიდევ დამატებითი იარაღია. ყველამ, თითოეულმა ჩვენგანმა, განსაკუთრებით სამღვდელოების წარმომადგენლებმა და რა თქმა უნდა, აგრესიულმა პოლიტიკურმა ძალებმა, პატივი უნდა სცენ ჩვენი პატრიარქის ხსოვნას და სურვილს, რომ ეკლესია იყოს ძლიერი და გაგრძელდეს ის აღმშენებლობა, რომელიც მის პერიოდში დაიწყო“, - განაცხადა ნინო წილოსანმა.