ნორვეგიამ კოტ-დ’ივუარი დაამარცხა და მსოფლიო ჩემპიონატის 1/8 ფინალში გავიდა

აშშ-ში, კანადასა და მექსიკაში მიმდინარე ფეხბურთის მსოფლიო ჩემპიონატზე ნორვეგიის ეროვნულმა ნაკრებმა 1/16 ფინალში კოტ-დ’ივუარის გუნდი დაამარცხა და მომდევნო ეტაპის საგზური მოიპოვა.

დალასში გამართული დაძაბული შეხვედრა ნორვეგიელთა გამარჯვებით, ანგარიშით 2:1 დასრულდა. გამარჯვებულთა რიგებიდან გოლები ანტონიო ნუსამ (39-ე წუთი) და ერლინგ ჰოლანდმა (86-ე წუთი) გაიტანეს. კოტ-დ’ივუარის ნაკრებიდან ერთადერთი საპასუხო გოლი კი 74-ე წუთზე ამად დიალომ გაიტანა.

ამ გამარჯვებით ნორვეგიის ნაკრები ტურნირის 1/8 ფინალში გავიდა, სადაც მათი მეტოქე ბრაზილიის ნაკრები იქნება. მატჩი 5 ივლისს ნიუ-იორკში გაიმართება.

მსოფლიო პირველობა, რომელიც ჩრდილოეთ ამერიკის სამ ქვეყანაში მიმდინარეობს, 19 ივლისს დასრულდება.