ოფიციალურმა პეკინმა განაცხადა, რომ ირანის წინააღმდეგ აშშ-ის ახალი ეკონომიკური სანქციები „მხოლოდ კიდევ უფრო დაძაბავს ვითარებას“ და აღნიშნა, რომ ჩინეთსა და ირანს შორის თანამშრომლობის შეფერხება დაუშვებელია

ოფიციალურმა პეკინმა სამშაბათს განაცხადა, რომ ირანის წინააღმდეგ აშშ-ის ახალი ეკონომიკური სანქციები „მხოლოდ კიდევ უფრო დაძაბავს ვითარებას“ და აღნიშნა, რომ ჩინეთსა და ირანს შორის თანამშრომლობის შეფერხება დაუშვებელია.

„ეკონომიკური ომი და მაქსიმალური ზეწოლა პრობლემის მოგვარებას ვერ უშველის. ეს ქმედებები მხოლოდ კიდევ უფრო დაძაბავს ვითარებასა და კონფლიქტებს, და შექმნის რისკების გავრცელების საფრთხეს“, - განაცხადა ჩინეთის საგარეო საქმეთა სამინისტროს სპიკერმა, ლინ ძიანმა.

„ჩინეთსა და ირანს შორის თანამშრომლობა ყოველთვის საერთაშორისო სამართლის ჩარჩოებში ხორციელდებოდა და მისი ჩაშლა თუ შეფერხება დაუშვებელია“, - აღნიშნა მან.

„ჩინეთი ყურადღებით ადევნებს თვალს მოვლენების განვითარებას და მიიღებს ყველა საჭირო ზომას საკუთარი უფლებებისა და ინტერესების მტკიცედ დასაცავად“, - დასძინა ლინ ძიანმა.