პესკოვის განცხადებით, აშშ-ის ცენტრალური სადაზვერვო სააგენტოს დირექტორის ვიზიტი მოსკოვში სპეცსამსახურებს შორის კონტაქტებს უკავშირდება
იმედი|imedinews.ge
რუსეთის პრეზიდენტის პრესსპიკერის დიმიტრი პესკოვის განცხადებით, აშშ-ის ცენტრალური სადაზვერვო სააგენტოს (CIA) დირექტორის ჯონ რეტკლიფის ვიზიტი მოსკოვში ორი ქვეყნის სპეცსამსახურებს შორის კონტაქტებს უკავშირდება. ინფორმაციას The Washington Post-ი ავრცელებს.
ჯონ რეტკლიფი მოსკოვში გუშინ ჩავიდა. გამოცემა არ აკონკრეტებს, თუ ვისთან გამართა მოლაპარაკებები აშშ-ის ცენტრალური სადაზვერვო სააგენტოს დირექტორმა.
გამოცემა AXIOS-ის ინფორმაციით, რეტკლიფის ვიზიტამდე ვაშინგტონმა კიევს აცნობა, რომ მაღალი დონის დელეგაცია მოსკოვში მიემგზავრებოდა და სთხოვა, შეტევა დროებით შეეჩერებინა.
აშშ-ის ცენტრალური სადაზვერვო სააგენტოს დირექტორი ბოლოს რუსეთს პირადად 2021 წლის ნოემბერში ეწვია.
გაზიარება:
იმედი
წყარო: imedinews.ge