პიტ ჰეგსეტი: აშშ-ის სამხედრო ძალები ირანს ძლიერ დარტყმას მიაყენებენ, თუ თეირანი კონფლიქტის დასასრულებლად შეთანხმებას არ გააფორმებს

აშშ-ის თავდაცვის მდივანმა, პიტ ჰეგსეტმა განაცხადა, რომ აშშ-ის სამხედრო ძალები ირანს ძლიერ დარტყმას მიაყენებენ, თუ თეირანი კონფლიქტის დასასრულებლად შეთანხმებას არ გააფორმებს. ამით მან გაიმეორა მუქარა, რომელიც პრეზიდენტმა დონალდ ტრამპმა დღის დასაწყისში გააჟღერა.

„ჩვენ სრულად ვართ ფოკუსირებული ზუსტად იმ შედეგზე, რომელიც პრეზიდენტს ამერიკელი ხალხის სახელით სურს, და დიდ პროგრესსაც მივაღწიეთ. და როგორც პრეზიდენტმა დღეს თქვა, თუ ისინი შეთანხმებაზე არ წავლენ, ჩვენ მათ ძლიერ დარტყმას მივაყენებთ“, - აღნიშნა ჰეგსეტმა.

ტრამპმა დღეს განაცხადა, რომ აშშ ირანზე მეტ თავდასხმას განახორციელებს. სოციალურ ქსელში გამოქვეყნებულ პოსტში მან დაწერა, რომ ირანმა „ძალიან გააჭიანურა შეთანხმებაზე მოლაპარაკება... ახლა მათ ფასის გადახდა მოუწევთ“.

ოვალური კაბინეტიდან საუბრისას კი ტრამპმა განაცხადა: „ჩვენ მათ თავს დავესხმებით, ძალიან ძლიერად დავესხმებით თავს“.