ირანმა ცეცხლის შეწყვეტის შეთანხმებით ნაკისრი ვალდებულებების შესრულება შეაჩერა

ირანის საგარეო საქმეთა მინისტრის მოადგილემ ხაზემ ღარიბაბადიმ განაცხადა, რომ ირანმა შეერთებულ შტატებთან ერთი თვის წინ მიღწეული შეთანხმებით გათვალისწინებული ვალდებულებების შესრულება შეაჩერა.

"ჩვენ მოლაპარაკებებს ვაწარმოებდით. სამწუხაროდ, სინამდვილეში, სწორედ ამერიკელებმა განახორციელეს ეს აგრესიული ქმედებები, საკუთარი ვალდებულებების დარღვევით. შედეგად, შევაჩერეთ ყველა ჩვენი ვალდებულება. ის, რის წინაშეც ახლა ვდგავართ, ჩვენი ქვეყნის დაცვაა. ჩვენ ამას მტკიცედ და გადამწყვეტად გავაკეთებთ და ვფიქრობ, ამერიკელებმა კიდევ ერთხელ მიიღეს პასუხი - მათი ეს აგრესიული ქმედებები ვერანაირ შედეგს ვერ გამოიღებს", - თქვა ღარიბაბადიმ.