POLITICO: რუსეთის ორ ყველაზე მდიდარ ადამიანს, შესაძლოა, მალე კვლავ მიეცეს ევროკავშირში თავისუფლად ოპერირების უფლება
რუსეთის ორ ყველაზე მდიდარ ადამიანს, შესაძლოა, მალე კვლავ მიეცეს ევროკავშირში თავისუფლად ოპერირების უფლება, - წერს გამოცემა POLITICO.
ევროკავშირის წევრმა ქვეყნებმა სამშაბათს მიაღწიეს შეთანხმებას, რომლის მიხედვითაც ალიშერ უსმანოვსა და მიხაილ ფრიდმანს სანქცირებულთა სიიდან ამოიღებენ. ამის შესახებ POLITICO-ს ხუთმა დიპლომატმა განუცხადა.
მოულოდნელი უთანხმოების გამო, საფრანგეთი კვირაზე მეტი ხნის განმავლობაში აფერხებდა ევროკავშირის ინდივიდუალური სანქციების მექანიზმს, რაც ვადის ამოწურვის საფრთხეს უქმნიდა 3 000-მდე სუბიექტისგან შემდგარ სიას. ადრეული მოლაპარაკებები ორშაბათს ღამით უშედეგოდ დასრულდა, რადგან ბალტიისპირეთის ქვეყნებმა თავდაპირველად უარი განაცხადეს შეთანხმების ხელმოწერაზე.
რამდენიმე ქვეყანა, მათ შორის ჩრდილოეთისა და ბალტიისპირეთის სახელმწიფოები, აფრთხილებდა, რომ ეს ნაბიჯი სანქციების მთელ სისტემას დააყენებდა რისკის ქვეშ და სხვებსაც საკუთარი კერძო ინტერესების ლობირებისკენ უბიძგებდა. სიტუაცია მას შემდეგ განიმუხტა, რაც ლატვია - პროცესის ყველაზე მკაფო მოწინააღმდეგე - გეგმაზე „კონსტრუქციულ თავშეკავებას“ დათანხმდა.
შეთანხმების ნაწილის მიხედვით, სანქცირებულთა არსებული სია სამი წლით გაიყინება, რაც ამ თემაზე შემდგომ დისკუსიებს 2029 წლამდე პრაქტიკულად დღის წესრიგიდან მოხსნის.
იმედი
წყარო: imedinews.ge