პრემიერი: მინდა, ყველას მოგილოცოთ „სტუდფესტის“ გახსნა. მიხარია, რომ 2014 წლიდან ყოველ წელს ტარდება ეს ღონისძიება და მასში წლიდან წლამდე სულ უფრო მეტი ახალგაზრდა მონაწილეობს

მინდა, ყველას მოგილოცოთ „სტუდფესტის“ გახსნა, ძალიან მიხარია, რომ 2014 წლიდან ყოველ წელს ტარდება ეს ღონისძიება და მასში წლიდან წლამდე სულ უფრო მეტი ახალგაზრდა მონაწილეობს,- განაცხადა საქართველოს პრემიერ-მინისტრმა, ირაკლი კობახიძემ ახალგაზრდული ფესტივალის, „სტუდფესტი 2026“-ის გახსნაზე სიტყვით გამოსვლისას.

„მადლობა ყველას, ორგანიზატორებს, თბილისის მერიას, რუსთავის მერიას. მიხარია, რომ პირველად რუსთავში წელს იხსნება ეს ღონისძიება. განსაკუთრებული მადლობა, მინდა, ვუთხრა განათლების სამინისტროს. კიდევ ერთხელ გილოცავთ ყველას, წარმატებული სტუდფესტი, მინდა, გისურვოთ“, - აღნიშნა პრემიერმა.

თბილისის მერიის, საქართველოს განათლების, მეცნიერებისა და ახალგაზრდობის სამინისტროს, რუსთავის მერიისა და ახალგაზრდობის სააგენტოს ორგანიზებით, „სტუდენტური ფესტივალი 2026“ დაიწყო.