პროექტ „თბილისის ურბანული ტყის“ ფარგლებში, ფონდ „ქართუს“ მხარდაჭერით, მცირე საოჯახო ტიპის ბავშვთა სახლების ბენეფიციარებისა და სხვადასხვა სკოლის მოსწავლეებისთვის ანიმატორების შოუ და გასართობი ღონისძიებები ჩატარდა

პროექტ „თბილისის ურბანული ტყის“ ფარგლებში, ფონდ „ქართუს“ მხარდაჭერით, მცირე საოჯახო ტიპის ბავშვთა სახლების ბენეფიციარებისა და სხვადასხვა სკოლის მოსწავლეებისთვის ანიმატორების შოუ და გასართობი ღონისძიებები ჩატარდა. პროექტი „თბილისის ურბანული ტყე“ მიზნად ისახავს ქალაქში მწვანე სივრცეების მნიშვნელობის წარმოჩენასა და საზოგადოების სხვადასხვა ჯგუფისთვის ბუნებასთან კავშირის გაძლიერებას.

„ძალიან ბევრი მნიშვნელოვანი სამუშაო განხორციელდა. ეს პროექტი სასიცოცხლოდ მნიშვნელოვანი იყო ჩვენი ეკოსისტემისთვის. წლის ბოლოს ფონდი ქართუ დაასრულებს ამ პროექტს და ის უკვე გადმოვა მუნიციპალიტეტის მოვლა-პატრონობის ქვეშ, რისთვისაც ჩვენ უკვე აქტიურად ვემზადებით“, - აცხადებს თბილისის მერის მოადგილე ანდრია ბასილაია.