პუტინი ჩინეთს 19-20 მაისს ეწვევა

რუსეთის პრეზიდენტი, ვლადიმერ პუტინი ოფიციალური ვიზიტით ჩინეთს 19-20 მაისს ეწვევა. ინფორმაციას კრემლი ავრცელებს.

რუსული მხარის ინფორმაციით, პუტინი ჩინეთის პრეზიდენტს, სი ძინპინს და პრემიერ-მინისტრს, ლი ციანს შეხვდება.

„ვლადიმერ პუტინი და სი ძინპინი ორმხრივი ურთიერთობების აქტუალურ საკითხებს, რუსეთის ფედერაციასა და ჩინეთის სახალხო რესპუბლიკას შორის არსებული ყოვლისმომცველი პარტნიორობისა და სტრატეგიული ურთიერთობების გაღრმავების სამომავლო ნაბიჯებს განიხილავენ, ერთმანეთში გაცვლიან აზრებს ძირითად საერთაშორისო და რეგიონულ პრობლემებზე“, - აღნიშნულია კრემლის მიერ გავრცელებულ ინფორმაციაში.

ვიზიტის ფარგლებში პუტინი და სი ძინპინი ერთობლივ განცხადებას მოაწერენ ხელს. იგეგმება სხვა მთავრობათაშორისი დოკუმენტების ხელმოწერაც.