პუტინი: ყველაფერს გავაკეთებთ, რათა სლოვაკეთის მოთხოვნა ენერგორესურსებთან დაკავშირებით დავაკმაყოფილოთ

რუსეთის პრეზიდენტმა, ვლადიმერ პუტინმა სლოვაკეთის პრემიერ-მინისტრთან, რობერტ ფიცოსთან შეხვედრის დროს აღნიშნა, რომ მოსკოვი ყველაფერს გააკეთებს, რათა ბრატისლავის მოთხოვნა ენერგორესურსებთან დაკავშირებით დააკმაყოფილოს.

„ვიცნობთ თქვენს დაინტერესებას იმუშაოთ სხვადასხვა მიმართულებით, მათ შორის ენერგეტიკის სფეროში. ჩვენ გვქონდა შესაძლებლობა პირისპირ გვესაუბრა. ახლაც შემიძლია გითხრათ, რომ ყველაფერს გავაკეთებთ იმისთვის, რათა სლოვაკეთის რესპუბლიკის მოთხოვნა ენერგორესურსებთან დაკავშირებით დავაკმაყოფილოთ. ჩვენ აგრეთვე მზად ვართ ვითანამშრომლოთ სხვა მიმართულებებით, რომელიც ორმხრივ ინტერესს წარმოადგენს“, - განაცხადა პუტინმა.

კრემლის ლიდერმა აგრეთვე აღნიშნა, რომ ბოლო დროს რუსეთსა და სლოვაკეთს შორის სავაჭრო ბრუნვა შემცირდა. მან იმედი გამოთქვა, რომ ფიცოს დღევანდელი ვიზიტი მხარეებს დაეხმარება გაერკვნენ, თუ როგორც შეიძლება სავაჭრო ბრუნვის გაზრდა.

ცნობისთვის, ფიცო მოსკოვში გუშინ ჩავიდა. თავდაპირველად ვრცელდებოდა ინფორმაცია, რომ ის მეორე მსოფლიო ომში გამარჯვების 81-ე წლისთავისადმი მიძღვნილ აღლუმში მიიღებდა მონაწილეობას, თუმცა ეს ცნობები მოგვიანებით ფიცომ თავად უარყო.