პუტინმა ე.წ. „ლუგანსკის სახალხო რესპუბლიკის“ სრულად „გათავისუფლების“ შესახებ განაცხადა

რუსეთის პრეზიდენტმა, ვლადიმირ პუტინმა გაერთიანებული სამხედრო დაჯგუფების ერთ-ერთ პუნქტში გამართულ თათბირზე ე.წ. „ლუგანსკის სახალხო რესპუბლიკის“ სრულად „გათავისუფლებისა“ და ე.წ. „დონეცკის სახალხო რესპუბლიკის“ ტერიტორიაზე მნიშვნელოვანი წინსვლის შესახებ განაცხადა.

მისი პრესსპიკერის, დიმიტრი პესკოვის თქმით, ასევე მიმდინარეობს ხარკოვისა და სუმის ოლქებში უსაფრთხოების ზონის შექმნა.

„პრეზიდენტმა თავად ისაუბრა იმაზე, რომ გასულ პერიოდში შესაძლებელი გახდა ლუგანსკის სახალხო რესპუბლიკის სრული გათავისუფლების დასრულება და დონეცკის სახალხო რესპუბლიკის ტერიტორიაზე მნიშვნელოვანი წინსვლის მიღწევა. პრეზიდენტის სიტყვებით, ასევე მიმდინარეობს ხარკოვისა და სუმის ოლქებში უსაფრთხოების ზონის დაგეგმილი შექმნა. წლის დასაწყისიდან გათავისუფლდა 133 დასახლებული პუნქტი“, - განუცხადა პესკოვმა ჟურნალისტებს პარასკევს.