„ქრონიკა“ სუს-ის მიერ ჯაშუშობისთვის დაკავებულ გულბაათ რცხილაძის საცხოვრებელთან იმყოფებოდა - ახლობლებმა რცხილაძის შეხვედრები რუსეთის წარმომადგენლებთან დაადასტურეს, თუმცა სხვა მიზნებს ასახელებენ

„ქრონიკა“ სუს-ის მიერ ჯაშუშობისთვის დაკავებული არასამთავრობო ორგანიზაციის დამფუძნებლისა და ხელმძღვანელის, გულბაათ რცხილაძის საცხოვრებელთან იმყოფებოდა. ახლობლებმა რცხილაძის შეხვედრები რუსეთის წარმომადგენლებთან დაადასტურეს, თუმცა სხვა მიზნებს ასახელებენ.

„გულბაათ რცხილაძე რას აშავებდა თავისი საქმიანობით? რუსეთისა და საქართველოს შერიგება-მორიგების საკითხებით იყო დაკავებული. მე მის რუს მეგობრებს არ ვიცნობ“, - განუცხადა „ქრონიკას“ გულბაათ რცხილაძის მეგობარმა ზაზა დავითაიამ.

„მეც ვხვდები, მერე რა“, - ასე უპასუხა მისმა კიდევ ერთმა მეგობარმა ლაშა-გიორგი ლომიძემ „ქრონიკის“ კითხვას, ხვდებოდა თუ არა გულბაათ რცხილაძე რუსეთის წარმომადგენელს.

„ქრონიკა“ ასევე დაუკავშირდა დაკავებულის ადვოკატს, ლაშა გოლუბიანს.

ადვოკატის თქმით, მისი დაცვის ქვეშ მყოფს ბრალს ხვალ წარუდგენენ.

„გუშინ ვინახულე, ხვალ უნდა წარუდგინონ ბრალი. ჩათვალეთ, რომ ჯერ-ჯერობით დუმილის უფლებას იყენებს“, - აღნიშნა მან.

სუს-მა ჯაშუშობის ბრალდებით საქართველოს კიდევ ერთი მოქალაქე დააკავა