რა ვითარებაა ამ დროისთვის ახლო აღმოსავლეთში

შეერთებული შტატები ირანის წინააღმდეგ დაანონსებული იერიშების ტალღას განაგრძობს. ცენტრალური სარდლობის ცნობით, ამერიკულმა ძალებმა ღამით ირანის წინააღმდეგ დარტყმების კიდევ ერთი ტალღა დაასრულეს. სამიზნეში ირანის სამხედრო სარდლობის ცენტრები, საზღვაო შესაძლებლობები, რაკეტებისა და დრონების გამშვები პუნქტები და საჰაერო თავდაცვის სისტემები მოექცა.

თავის მხრივ, ირანი სპარსეთის ყურის რეგიონის ქვეყნებზე იერიშებს განაგრძობს. იორდანიის შეიარაღებულ ძალებში აცხადებენ, რომ ირანიდან გაშვებული სამი რაკეტა გაანეიტრალეს. იერიშს მსხვერპლი ან მატერიალური ზიანი არ მოჰყოლია. საჰაერო დაცვის სისტემამ ირანის მხრიდან ავიაიერიში მოიგერია ბაჰრეინმაც და ქუვეითმაც.