რადისლავ სიკორსკის განცხადებით, რუსეთს პოლონეთზე თავდასხმის რესურსი არ აქვს, თუმცა შესაძლოა მოსკოვმა პროვოკაციები მოაწყოს

რადოსლავ სიკორსკის განცხადებით, რუსეთს ამჟამად პოლონეთზე თავდასხმის რესურსი არ აქვს, თუმცა მოსკოვმა, შესაძლოა ქვეყნის წინააღმდეგ პროვოკაციები მოაწყოს. ამ თემაზე პოლონეთის საგარეო საქმეთა მინისტრმა იტალიურ გამოცემასთან ინტერვიუში ისაუბრა და აღნიშნა, რომ ვარშავა მოსკოვის გამო პანიკაში არ არის, მაგრამ რუსეთის მხრიდან მუქარას სერიოზულად აღიქვამს.

„შეშფოთება არსებობს, რადგან პუტინმა უკრაინას ოპტიმისტური და სრულიად ცრუ შეფასებების საფუძველზე შეუტია. მან უკრაინაში შეჭრის ამ გიჟური და დანაშაულებრივი გადაწყვეტილებით მთელ ევროპაში უზარმაზარი ადამიანური ტანჯვა და მძიმე ეკონომიკური დანაკარგები გამოიწვია. ამიტომ, ვერ გამოვრიცხავთ, რომ მიუხედავად იმისა, რომ გამარჯვება არ შეუძლია, შეიძლება მსგავსი გადაწყვეტილება მიიღოს“, - აღნიშნა სიკორსკიმ.