რატი იონათამიშვილი: ეს არ არის ორმაგი სტანდარტი, ეს არის პოლიტიკური ამორალურობა. ესტონეთი საკუთარ ქვეყანაში კრძალავს იმას, რასაც ხელაღებით მხარს უჭერდა საქართველოში

ეს არ არის ორმაგი სტანდარტი, ეს არის პოლიტიკური ამორალურობა. ესტონეთი საკუთარ ქვეყანაში კრძალავს იმას, რასაც ხელაღებით მხარს უჭერდა საქართველოში, - განაცხადა პარლამენტის ადამიანის უფლებათა დაცვისა და სამოქალაქო ინტეგრაციის კომიტეტის თავმჯდომარემ რატი იონათამიშვილმა.

მისივე თქმით, ის პირები, რომლებიც ესტონეთში ამ კანონს მხარს უჭერენ, საქართველოში ძალადობრივ აქციებში მონაწილეობდნენ.

„ჩვენ გვახსოვს, რომ ზუსტად ეს პირები აქ, თბილისში ანტისახელმწიფოებრივ და ანტისაეკლესიო აქციებზე იღებდნენ მონაწილეობას და ასევე გვახსოვს ისინი როგორ აფინანსებდნენ კანონის გვერდის ავლით სხვადასხვა პოლიტიკურ ორგანიზაციებსა თუ „ენჯეოებში“, - აღნიშნა რატი იონათამიშვილმა.

ესტონეთის პარლამენტმა მესამე მოსმენით ხმათა უმრავლესობით მიიღო კანონი, რომელიც მესამე ქვეყნების მოქალაქეებს ესტონური პოლიტიკური პარტიების დაფინანსებას უკრძალავს. ინფორმაციას ესტონური მედია ავრცელებს.