რატი იონათამიშვილი: სინამდვილეში, „კოლექტიურ იუკნევიჩიენებს“ არც ადამიანის უფლებები ადარდებთ და არც ევროპული ინსტიტუტების იმიჯი. ერთადერთი, მათი მოტივია, რამენაირად არეულობა გამოიწვიონ ჩვენს ქვეყანაში

სინამდვილეში, „კოლექტიურ იუკნევიჩიენებს“ არც ადამიანის უფლებები ადარდებთ და არც ევროპული ინსტიტუტების იმიჯი. ერთადერთი, მათი მოტივია, რამენაირად არეულობა გამოიწვიონ ჩვენს ქვეყანაში, - განაცხადა ადამიანის უფლებათა დაცვისა და სამოქალაქო ინტეგრაციის საპარლამენტო კომიტეტის თავმჯდომარე რატი იონათამიშვილმა „ქრონიკასთან“.

დეპუტატი ეხმაურება ევროპარლამენტის გაფრთხილებას, რომ საქართველოს მმართველი პარტიის „ქართული ოცნების“ პირობებში, დემოკრატიული უკუსვლის და ანტიევროპული, რუსული სტილის დეზინფორმაციის გამო, ქვეყანა ევროკავშირში გაწევრების გზას შორდება.

„სინამდვილეში, „კოლექტიურ იუკნევიჩიენებს“ არც ადამიანის უფლებები ადარდებთ და არც ევროპული ინსტიტუტების იმიჯი. ერთადერთი, მათი მოტივია, რამენაირად არეულობა გამოიწვიონ ჩვენს ქვეყანაში რომ შემდეგ საქართველო მათთვის იყოს პაიკი. ამას რასაკვირველია არ დავუშვებთ. ჩვენ ვართ თავმოყვარე ქვეყანა, გვაქვს ღირსება, რომელსაც ყოველთვის დავიცავთ. როგორც არ უნდა ეცადონ ეს ადამიანები საქართველოს იმიჯის შელახვას, საბოლოო ჯამში მხოლოდ შელახული იმიჯის მიღება მოუწევთ“, - აღნიშნა იონათამიშვილმა.