Reuters: მარკო რუბიო ინდოეთში ჩავიდა
აშშ-ის სახელმწიფო მდივანი მარკო რუბიო ინდოეთში ჩავიდა. ინფორმაციას Reuters-ი ავრცელებს.
სააგენტოს ცნობით, რუბიოს ვიზიტის მთავარ მიზანს ინდოეთთან პარტნიორული ურთიერთობების აღდგენა წარმოადგენს, რომელიც აშშ-ის პრეზიდენტის დონალდ ტრამპის მიერ შემოღებული ტარიფების გამო დაზიანდა.
კალკუტის აეროპორტში დაშვების შემდეგ რუბიო დედა ტერეზას მიერ დაფუძნებულ ჰუმანიტარული და რელიგიური ორგანიზაციის შტაბ-ბინას ეწვია.
მოგვიანებით რუბიოს ინდოეთის პრემიერ-მინისტრი ნარენდრა მოდი მიღებს, რის შემდეგ ის აშშ-ის საელჩოს მიერ ორგანიზებულ ღონისძიებებში მიიღებს მონაწილეობას, წერს სააგენტო.
მანამდე აშშ-ის სახელმწიფო დეპარტამენტში განაცხადეს, რომ ინდოეთში რუბიო ვაჭრობის, ენერგიისა და სამხედრო თანამშრომლობის თემებს განიხილავს. ოთხდღიანი ვიზიტის ფარგლებში რუბიო ქალაქებს აგრას და ჯაიპურს მოინახულებს.
იმედი
წყარო: imedinews.ge