Reuters: ტაილანდში მატარებლისა და ავტობუსის შეჯახების შედეგად რვა ადამიანი დაიღუპა, 25 კი დაშავდა
იმედი|imedinews.ge
ტაილანდის დედაქალაქ ბანგკოკში მატარებლისა და ავტობუსის შეჯახების შედეგად რვა ადამიანი დაიღუპა, ხოლო 25 დაშავდა. ინფორმაციას Reuters-ი ავრცელებს.
სააგენტოს ცნობით, შეჯახების შემდეგ ავტობუსს ცეცხლი გაუჩნდა. მოგვიანებით ხანძარი ახლო მდგარ სხვა მანქანებზე გავრცელდა.
ადგილზე სახანძრო-სამაშველო სამსახურის თანამშრომლები იყვნენ მობილიზებულნი. მაშველები დაღუპულებისა და დაშავებულების გამოყვანით იყვნენ დაკავებულნი, ხოლო მეხანძრეები ხანძრის ლოკალიზებას ცდილობდნენ.
ამ დროისთვის ხანძარი ლიკვიდირებულია. მაშველები დაშავებულების ძებნით არიან დაკავებულნი. მომხდარზე დაწყებულია გამოძიება.
გაზიარება:
IM
იმედი
წყარო: imedinews.ge