რიკარდ იოზვიაკის განცხადებით, ევროკავშირის ელჩები რუსეთის წინააღმდეგ სანქციების გახანგრძლივებაზე კვლავ ვერ შეთანხმედნენ

„რადიო თავისუფლების“ ევროპის ბიუროს რედაქტორის რიკარდ იოზვიაკის ინფორმაციით, ევროკავშირის ელჩები დღეს კიდევ ერთხელ შეიკრიბნენ, თუმცა რუსეთის წინააღმდეგ სანქციების გახანგრძლივებაზე კვლავ ვერ შეთანხმდნენ.

„ევროკავშირის ელჩები შეხვდნენ. გადაწყვეტილება რუსეთის წინააღმდეგ სანქციების გახანგრძლივების შესახებ კვლავ არ არის მიღებული. სავარაუდოდ, ახალი შეხვედრა ორშაბათს გაიმართება“, - დაწერა იოზვიაკმა სოციალურ ქსელ X-ში.

იოზვიაკი განმარტავს, რომ სლოვაკეთი სანქციების სიიდან რუსი ბიზნესმენების ალიშერ უსმანოვისა და მიხეილ ფრიდმანის ამოღებას ითხოვს, საფრანგეთი - მხოლოდ უსმანოვის, ხოლო ლუქსემბურგი ამბობს, რომ თუ სანქციებს ერთ ბიზნესმენს მოუხსნიან, მაშინ მეორეც უნდა გათავისუფლდეს შეზღუდვებისგან.

🇪🇺 ambassadors met. Still no deal on 🇷🇺 sanctions extension. Likely new meeting on Monday https://t.co/skXEYMpRPa — Rikard Jozwiak (@RikardJozwiak) September 18, 2026