რუმინეთის პრეზიდენტი დრონის ჩამოგდების შესახებ იუწყება

რუმინეთის პრეზიდენტმა ნიკუშორ დანმა სოციალურ ქსელ X-ში დაწერა, რომ დღეს დილით ერთ-ერთმა დრონმა ქვეყნის საჰაერო სივრცე დაარღვია.

მისი განცხადებით, რუმინეთის სამხედრო-საჰაერო ძალებმა დრონი F-16 ტიპის სამხედრო თვითმფრინავის მეშვეობით ჩამოაგდეს.

„დღეს დილით, დაახლოებით 11:00 საათზე, რუმინელმა მფრინავმა F-16 ტიპის თვითმფრინავიდან ჩამოაგდო დრონი, რომელიც ჩვენი ქვეყნის საჰაერო სივრცეში შეიჭრა. ტერიტორია დაუსახლებელი იყო, ამიტომ მფრინავს შეეძლო ცეცხლის გახსნა ყოველგვარი რისკის გარეშე. ამჟამად შესაბამისი უწყებები შემთხვევის ადგილს იკვლევენ, რათა მომხდარის შესახებ ყველა დეტალი დაადგინონ“, - დაწერა დანმა.

ჯერჯერობით უცნობია, თუ ვის ეკუთვნოდა დრონი, რომელიც რუმინეთის საჰაერო სივრცეში შეიჭრა.

În această dimineață, în jurul orei 11:00, un pilot român de pe un avion F-16 a doborât o dronă care a intrat în spațiul aerian al țării noastre. Zona era nelocuită, astfel încât pilotul a putut să tragă fără să existe niciun fel de risc. În prezent, echipele instituțiilor cu… — Nicușor Dan (@NicusorDanRO) July 24, 2026