რუსეთმა პოლტავის ოლქი დაბომბა. დაიღუპა ხუთი ადამიანი

რუსეთის შეიარაღებულმა ძალებმა გვიან ღამით უკრაინის პოლტავის ოლქი დაბომბა, რის შედეგადაც ხუთი ადამიანი დაიღუპა. ინფორმაციას პოლტავის სამხედრო-საოლქო ადმინისტრაციის უფროსი, ვიტალი დიაკივნიჩი ავრცელებს.

მისი თქმით, თავდასხმისას რუსეთმა რაკეტები და უპილოტო საფრენი აპარატები გამოიყენა.

„თავდასხმის შედეგად დაზიანებულია სამრეწველო ობიექტი. გაზმომარაგების გარეშე 3 480 აბონენტია დარჩენილი. აგრეთვე დაზიანებულია სარკინიგზო ინფრასტრუქტურა“, - აღნიშნავს დიაკივნიჩი.

მისი განმარტებით, 37 ადამიანია დაშავებული.