რუსთავში პირველკურსელთა მიღების ღონისძიება გაიმართა
რუსთავში პირველკურსელთა მიღების ღონისძიება გაიმართა, რომელსაც თბილისის და აღმოსავლეთ საქართველოს სახელმწიფო უნივერსიტეტებისა და პროფესიული საგანმანათლებლო დაწესებულებების სტუდენტები ესწრებოდნენ.
რუსთავის მერიის ინფორმაციით, ღონისძიებაზე შეკრებილ ახალგაზრდებს, სტუდენტობა მიულოცეს საქართველოს განათლების, მეცნიერებისა და ახალგაზრდობის მინისტრმა გივი მიქანაძემ, პარლამენტში რუსთავის დელეგატმა ირაკლი შატაკიშვილმა და ქვემო ქართლში სახელმწიფო რწმუნებულმა ილია ჯალაღანიამ.
პირველკურსელთა მიღების ღონისძიებას, განათლების, მეცნიერებისა და ახალგაზრდობის მინისტრის მოადგილე ზვიად გაბისონია, რუსთავის საკრებულოს თავმჯდომარე მამუკა რეხვიაშვილი, პარლამენტის წევრები, რუსთავის მუნიციპალიტეტის და უნივერსიტეტების წარმომადგენლები ესწრებოდნენ.
ღონისძიების ფარგლებში, სტუდენტებს შესაძლებლობა ჰქონდათ, მონაწილეობა მიეღოთ მრავალფეროვან გასართობ აქტივობებში.
პირველკურსელთათვის სხვადასხვა შემსრულებლისა და მუსიკალური ჯგუფის მონაწილეობით კონცერტი გაიმართა. პირველკურსელთა მიღების ღონისძიებაში 5 000-მდე სტუდენტი მონაწილეობდა.
იმედი
წყარო: imedinews.ge