რუსულმა დრონმა რუმინეთის საჰაერო სივრცე დაარღვია

რუსეთის კუთვნილი უპილოტო საფრენი აპარატი გვიან ღამით რუმინეთის საჰაერო სივრცეში შეიჭრა. ინფორმაციას რუმინული მედია ქვეყნის თავდაცვის სამინისტროზე დაყრდნობით ავრცელებს.

„შაბათს, 2 მაისს რუსეთის ფედერაციამ რუმინეთის საზღვართან ახლოს მდებარე უკრაინის სამოქალაქო და ინფრასტრუქტურულ ობიექტებზე თავდასხმები განაახლა. ეროვნული თავდაცვის სამინისტროს რადარებმა რუსეთის ფედერაციის 20 უპილოტო საფრენი აპარატისგან შემდგარი ჯგუფი გამოავლინეს, რომელიც უკრაინის იზმაილის რაიონისკენ მიფრინავდა“, - აღნიშნულია რუმინეთის თავდაცვის უწყების მიერ გავრცელებულ განცხადებაში.

ამის გამო, ღამის დაახლოებით 02:00 საათზე ფეტეშტის ავიაბაზიდან ორი F-16 ტიპის სამხედრო თვითმფრინავი აფრინდა. ერთ-ერთმა დრონმა კილიას რაიონში საჰაერო სივრცე დაარღვია ცოტა ხნით და შემდეგ კვლავ უკრაინის მიმართულებით გაფრინდა, დასძინეს რუმინეთის თავდაცვის სამინისტროში.