„სააკაშვილის განცხადება სხვა არაფერია, თუ არა ოპოზიციას შორის დაძაბულობისა და დაპირისპირების გაჩაღების მცდელობა“ - ოპოზიციურ სპექტრში დაპირისპირება გრძელდება

ოპოზიციურ სპექტრში დაპირისპირება კვლავ გრძელდება. პატიმარი მიხეილ სააკაშვილი პერიოდულად თავს ესხმის სხვა პარტიებს. ამჯერად მისი სამიზნე პარტია „ლელო“ გახდა. „ლელო“ კი სააკაშვილის განცხადებას, ოპოზიციას შორის დაძაბულობისა და დაპირისპირების გაჩაღების მცდელობად მიიჩნევს.

„სააკაშვილის განცხადება სხვა არაფერია, თუ არა ოპოზიციას შორის დაძაბულობისა და დაპირისპირების გაჩაღების მცდელობა. სიმართლეს ვერც შეურაცხყოფა და ვერც ცილისწამება გადაფარავს“, - ნათქვამია „ლელოს“ განცხადებაში.

პარალელურად, „ნაციონალურ მოძრაობაში“ კონფლიქტების სერია არ წყდება. ახალი თავმჯდომარის არჩევის საკითხზე პარტიის წევრები ვერ თანხმდებიან.

„მიკვირს ყველა ადამიანის, რომელიც ტრაგიკულად უყურებს იმას, რომ უფლებამოსილების ვადა ამოეწურა და ეს შეიძლება იყოს იმის საბაბი, რომ რაღაცაში მსხვერპლის როლი მოირგოს. თუ დღეს ჩვენ გვიჭირს, საერთოდ რა პარტიულ თანამდებობებზეა საუბარი?!“, - განაცხადა „ნაციონალური მოძრაობის“ წევრმა ანა წითლიძემ.