საჯარო სივრცეში შეურაცხყოფის ფაქტებზე სასამართლო პროცესები გაიმართა

საჯარო სივრცეში შეურაცხყოფის ფაქტებზე საჩხერის რაიონის სასამართლოში პროცესები გაიმართა. მოსამართლემ მოქალაქე მერი ლაბაძის საქმეზე იმსჯელა, რომელმაც იუსტიციის მინისტრის მოადგილეს ბექა ძამაშვილს საჯარო სივრცეში შეურაცხყოფა მიაყენა. სამართალდამრღვევი პირი სხდომას დისტანციურად ესწრებოდა. მან დანაშაული აღიარა. მოსამართლემ ის 1500 ლარით დააჯარიმა.

დღესვე გაიმართა ალექსანდრე ცერცვაძის პროცესი. ალექსანდრე ცერცვაძე გია ხუხაშვილის შეურაცხყოფისთვის 850 ლარით დაჯარიმდა. სხდომას სამართალდამრღვევი არ ესწრებოდა.

საჯარო სივრცეში შეურაცხყოფის ფაქტებზე იმსჯელა ზუგდიდის რაიონულმა სასამართლომაც. მოსამართლემ სოციალურ ქსელში სიძულვილის ენის გამოყენებისთვის მოქალაქე ზაზა ხორავა 500 ლარით დააჯარიმა.

1500 ლარით დაჯარიმდა მოქალაქე თეიმურაზ მალანიაც, რომელმაც თეა წულუკიანს ფეისბუქ-კომენტარის სახით შეურაცხყოფა მიაყენა. სიძულვილის ენის ავტორი შეურაცხყოფას არ უარყოფს, თუმცა ამბობს, რომ დაკისრებული ჯარიმის გადახდას არ აპირებს.