სახელმწიფო უსაფრთხოების სამსახურის უფროსი გეკა გელაძე თურქეთის რესპუბლიკის ახლად დანიშნულ ელჩს შეხვდა
იმედი|imedinews.ge
სახელმწიფო უსაფრთხოების სამსახურის უფროსმა გეკა გელაძემ საქართველოში თურქეთის რესპუბლიკის საგანგებო და სრულუფლებიან ელჩთან, მუსტაფა თურქერარისთან გაცნობითი შეხვედრა გამართა. ინფორმაციას სუს-ი ავრცელებს.
გეკა გელაძემ ელჩს დიპლომატიური მისიის დაწყება მიულოცა და წარმატებები უსურვა.
შეხვედრაზე მხარეებმა ყურადღება გაამახვილეს საქართველოსა და თურქეთის სტრატეგიულ პარტნიორობაზე და ორი ქვეყნის შესაბამის სამსახურებს შორის არსებულ ნაყოფიერ თანამშრომლობაზე.
საუბარი ასევე შეეხო სამხრეთ კავკასიაში არსებულ ვითარებასა და რეგიონში მშვიდობისა და სტაბილურობის მნიშვნელობას. გეკა გელაძემ ხაზი გაუსვა ორი ქვეყნის სახელმწიფო უსაფრთხოების სამსახურებს შორის არსებული თანამშრომლობის განმტკიცების აუცილებლობას.
გაზიარება:
იმედი
წყარო: imedinews.ge