სამცხე-ჯავახეთის მხარეში მასშტაბური სკრინინგ აქციები ჩატარდება
სამცხე-ჯავახეთის მხარეში მასშტაბური სკრინინგ აქციები ჩატარდება.
დაავადებათა კონტროლისა და საზოგადოებრივი ჯანმრთელობის ეროვნული ცენტრის ინფორმაციით, აქციები ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტროს, დაავადებათა კონტროლისა და საზოგადოებრივი ჯანმრთელობის ეროვნული ცენტრისა და სამცხე-ჯავახეთის მხარეში სახელმწიფო რწმუნებულის ადმინისტრაციის მხარდაჭერით ჩატარდება. მოქალაქეებს შესაძლებლობა ექნებათ უფასოდ ჩაიტარონ: ძუძუს კიბოს, საშვილოსნოს ყელის კიბოს, არტერიული ჰიპერტენზიის, პროსტატის, კოლორექტული კიბოს, B და C ჰეპატიტების, აივ ინფექცია/შიდსის სკრინინგული კვლევები.
„გამოკვლევები, ადგილზე, თანამედროვე მეთოდებითა და კვალიფიციური სამედიცინო პერსონალის მიერ ჩატარდება. სკრინინგი ჯანმრთელობის დაცვის ერთ-ერთი ყველაზე ეფექტური საშუალებაა, რომელიც დაავადებებს ადრეულ ეტაპზე ავლენს, როცა მკურნალობა განსაკუთრებით შედეგიანია“, - აცხადებენ ცენტრში.
იმედი
წყარო: imedinews.ge